Azərbaycan Rusiyaya Nota verib
APA TV-nin Moskva bürosuna bu barədə ölkəmizin Rusiyadakı səfirliyindən məlumat verilib.
Notada Azərbaycanın işğaldakı ərazilərinə Rusiya Federasiyasının Dövlət Dumasının MDB işləri, Avrasiya inteqrasiyası və soydaşlarla əlaqələr üzrə komitəsinin sədrinin birinci müavini Konstantin Zatulinin səfəri, ölkəmizə qarşı təxribat xarakterli bəyanatlarına Rusiya tərəfindən münasibət və deputatın səfərə hansı qisimdə getməsi və səfərin maliyyə mənbəyi ilə bağlı izah xahiş edilir.
Bundan əlavə, K.Zatulinin mütəmadi şəkildə Ermənistan-Azərbaycan, Dağlıq Qarabağ münaqişəsi ilə əlaqədar rəsmi Moskvanın siyasi mövqeyinə zidd fikirlər irəli sürməsinə, tarixi faktları təhrif etməsinə, Ermənistanın apardığı işğalçı siyasətə bəraət qazandırmaq cəhdlərinə açıqlama verilməsi, həmin şəxsin bir deputat kimi söz və hərəkətlərinə görə məsuliyyət daşımalı olduğu vurğulanır və Rusiya Xarici İşlər Nazirliyindən lazımi tədbirlərin görülməsi rica edilir.
Qeyd edək ki, Konstantin Zatulin oktyabrın 11-də Ermənistanın işğalı altında olan Dağlıq Qarabağa səfər edib. Separatçı rejimin keçirdiyi "Artsaxın dostları Ədalət və sülh naminə əməkdaşlıq" adlı "beynəlxalq forum"da çıxış edən rusiyalı deputat Azərbaycan əleyhinə bəyanatlar səsləndirib.
Apa.tv
OXŞAR XƏBƏRLƏR
Prezident Kiçik Qaladərəsində görülən işlərlə tanış olub
Laçında Hoçaz çayının üzərində yerləşən su elektrik stansiyaları istifadəyə verildi
“Həkəriçay” layihəsi 7 rayonun içməli su təchizatını yaxşılaşdıracaq
Gürcüstana qaz təchizatı baş tutacaq
Bu şəxslər min manatdan min beş yüz manatadək məbləğdə cərimə ediləcək
