Azadlıq prospektində qırmızı işıqdan keçən avtomobil qəza törədib
Nəsimi rayonunda 2 avtomobilin iştirakı ilə yol-nəqliyyat hadisəsi baş verib.
APA xəbər verir ki, hadisə Azadlıq prospekti ilə Abbasqulu Ağa Bakıxanov küçəsinin kəsişməsində qeydə alınıb.
Belə ki, Nasim Məmmədov idarə etdiyi 90-ZE-899 dövlət nömrə nişanlı "Toyota Corolla" markalı minik avtomobili ilə Azadlıq prospektində işıqforun qırmızı işığından keçərək yoluna davam edib.
Bu zaman nəqliyyat vasitəsi Abbasqulu Ağa Bakıxanov küçəsində işıqforun yaşıl işığından keçən, Hafiz Məhəmmədovun idarə etdiyi 99-MM-449 dövlət qeydiyyatlı "İnfiniti" markalı avtomobilə çırpılıb.
Zərbənin gücündən "Toyota" yol kənarındakı təhlükəsizlik kamerasının dirəyinə dəydikdən sonra dayanıb.
Hadisə nəticəsində xəsarət alan olmasa da, avtomobillər deformasiyaya uğrayıb.Yol infrastrukturuna ciddi ziyan dəyib.
Əraziyə Nəsimi Rayon Polis İdarəsinin və DYPŞ-nin əməkdaşları cəlb edilib.
Apa.tv
OXŞAR XƏBƏRLƏR
Hikmət Hacıyev ölkəmizə qarşı aparılan media kampaniyalarından danışdı
Azərbaycan və Slovakiya prezidentləri Ağdamın Baş Qərvənd kəndində olub
Elektron siqaret, sığorta, qumar: Milli Məclisdən yeni qanun layihələri
Şuşada IV Qlobal Media Forumu öz işinə başladı
Prezidentdən 907-ci düzəlişlə bağlı mühüm mesaj: "Ləğv edilməlidir..."
