Ayətullah qətlə yetirildi
İranın Dini Ekspertlər Şurasının üzvü ayətullah Abbas Əli Süleymani bu gün, aprelin 26-da Babolsər şəhərində silahlı hücum zamanı öldürülüb. İranın “Tasnim” agentliyinin məlumatına görə, bu haqda Mazandaran valisinin siyasi-təhlükəsizlik üzrə müavini Ruhullah Sələqi məlumat verib. O qeyd edib ki, İran Milli Bankının Babolsər filialında bank məsələlərini həll etməkdə olan Ayətullah Süleymani silahlı şəxsin hücumuna məruz qalıb və dünyasını dəyişib. Agentliyin məlumatına görə, şahidlərdən biri hadisənin təfərrüatları barədə deyib:
Sitat: “Ayətullah Süleymani bankda oturarkən hücum edən şəxs bankın mühafizəçisinin silahını qəfil ələ keçirib ona atəş açıb. Hadisə nəticəsində daha üç nəfər yaralanıb”. Sitatın sonu
Qeyd edək ki, qətlə yetirilən din xadimi İranın ali rəhbəri Əli Xameneyinin Sistan və Bəluçistan əyalətindəki keçmiş nümayəndəsi və etnik bəluçların yaşadığı Zahidan şəhərinin sabiq imam-cüməsi olub. Qatilin təhlükəsizlik qüvvələri tərəfindən artıq həbs edildiyi bildirilir.
Apa.tv
OXŞAR XƏBƏRLƏR
Süni intellekt məhkəmə sisteminə daxil olur – Nə dəyişəcək?
Şuşada Azərbaycan, Türkiyə və Gürcüstan müdafiə nazirlərinin üçtərəfli görüşü keçirilib
İnam Kərimov hakimlərlə bağlı danışdı: "100 min nəfərə 7 hakim..."
“Ailəsi ilə əlaqə saxladı, 15 dəqiqə sonra şəhid oldu” - Qanlı döyüşlərdən zəfərə
ADEX 2026-nın ikinci günündən maraqlı görüntülər
