Ana və oğulu bıçaqlayıb özünə xəsarət yetirdi
Lənkəranda ana və oğulu bıçaqlayan şəxs sonda özünə də xəsarət yetirib.
APA TV-nin cənub bürosunun verdiyi xəbərə görə, hadisə gecə saatlarında rayonun Separadi kəndində yerləşən fermalardan birində baş verib. Rayonun Tükəvilə kənd sakini 2003-cü il təvəllüdlü Firqət Fuad oğlu Ağazadə rayonun Separadi kənd sakini, 1994-cü il təvəllüdlü Valeh Nadir oğlu Məmmədova məxsus fermaya gələrək həyətdə gizlənib. Bir müddətdən sonra Firqət Ağazadəni Valeh Məmmədovun anası 1957-ci il təvəllüdlü Cəvahir Mürsəl qızı Məmmədova görüb. Bu zaman Firqət Ağazadə özü ilə gətirdiyi bıçaqla Cəvahir Məmmədovanın üz və kürək nahiyəsinə 2 dəfə bıçaqla zərbə endirib. Anasının səsinə gələn Valeh Məmmədov da Firqət Ağazadənin hücumuna məruz qalıb və bıçaq xəsarətləri alıb. Sonda Firqət Ağazadə özünə də bıçaqla xəsarət yetirib.
Hər üç şəxs müxtəlif dərəcəli bədən xəsarətləri ilə Lənkəran Rayon Mərkəzi Xəstəxanasına çatdırılıb. Valeh Məmmədovun vəziyyəti ağır olduğundan əməliyyata alınıb.
Hadisəni törədən Firqət Məmmədov isə tibbi yardım edildikdən sonra polis şöbəsinə təhvil verilib.
Qeyd edək ki, Firqət Məmmədov daha əvvəl Valeh Məmmədovun fermasında iki gün fəhlə işləyib. Onun hansı səbəbdən belə bir addım atdığı hələ ki, dəqiq deyil. Faktla bağlı Lənkəran Rayon Polis Şöbəsində araşdırma aparılır.
Tural Kərimov
Rövşən Əzimov
APA TV. Lənkəran
Apa.tv
OXŞAR XƏBƏRLƏR
Lənkəranda ilk dəfə dronla çəltik toxumu səpildi
Laçında yeni yol xətlənmə və nişanlanma işləri başa çatdırılır
Naxçıvanda əqrəb ferması fəaliyyət göstərir
Azərbaycandan tranzit keçməklə Rusiyadan Ermənistana 18 vaqon yük yola salındı
Lənkəranda baramaçılıqda bu il yüksək məhsuldarlıq gözlənilir
