Ağsu aşırımında və Şamaxı-İsmayıllı yolunda 10-a yaxın avtomobil qəzaya düşdü
Ötən gecədən başlayaraq Şamaxı, İsmayıllı və Ağsu rayonları ərazisinə yağan qar fəsadlara səbəb olub. Bu rayonların ərazisindən keçən ölkə əhəmiyyətili yollarda bir neçə avtomobil qəzası baş verib.
APA TV-nin yerli bürosunun xəbərinə görə bu ərazilərə yağan güclü qar, həmçinin, yollarda mövcud olan duman və buz səbəbindən 10-a yaxın nəqliyyat vasitəsi sürüşərək bir-biri ilə toqquşub, yoldan çıxaraq aşıb, ağaca çırpılıb. Ümumilikdə 100-dən çox avtomobil hərəkət edə bilmədiyi üçün yolda qalıb, hazırda sürücülər və sərnişinlər yolların təmizlənməsini gözləyirlər. Bəzi insanlar avtomobilləri tərk edərək piyada hərəkət edirlər. Şamaxı şəhəri ərazisində "NİVA" və "Mercedes Vita" markalı avtomobillərin toqquşması nəticəsində iki nəfər xəsarət alıb. Yaralılar Şamaxı rayon Mərkəzi Xəstəxanasına aparılıb. Hazırda ağır texnikalar vasitəsilə və əl əməyi ilə yolların qardan təmizlənməsi, qum və duz səpilməsi işləri görülsə də qar yağmaqda davam edir, nəqliyyatın hərəkəti yenidən çətinləşir.
Şahnəzər Bəşirov, APA TV
Apa.tv
OXŞAR XƏBƏRLƏR
İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib
İlham Əliyev İslam İnkişaf Bankı Qrupunun sədrinə “Dostluq” ordenini təqdim edib
“Halal iqtisadiyyat və İslam maliyyəsi: yeni imkanlar” – MÜSAHİBƏ
IsDB-nin İllik Toplantıları çərçivəsində bir sıra maliyyə və investisiya sazişləri imzalanıb
Prezident İlham Əliyev ABŞ Konqresinin Nümayəndələr Palatasının üzvünü qəbul edib
