Ağdaşda narkotik yetişdirən iki xalaoğlu yaxalandı
Ağdaşda narkotik yetişdirən iki xalaoğlu tutulub.
APA TV-nin yerli bürosunun xəbərinə görə, rayon Polis Şöbəsinin əməkdaşlarının keçirdiyi əməliyyat nəticəsində 1981-ci il təvəllüdlü Elmir Hüseynov və 1987-ci il təvəllüdlü Gündüz Bayramov narkotik tərkibli çətənə bitkiləri yetişdirdikləri üçün saxlanılıblar.
Polis əməkdaşları onların Yuxarı Ləki kəndi ərazisində böyürtkən kollarının arasında əkdiyi 28 ədəd çətənə kollarını aşkar ediblər.
Xalaoğlu olan Elmir Hüseynov və Gündüz Bayramov barəsində cinayət işi başlanılıb, istintaq aparılır.
Qeyd edək ki, “Xaş-xaş 2020” tədbirlər planına əsasən Ağdaş rayonu ərazisində ümumilikdə 1 ton 141 kiloqram yabanı halda bitmiş narkotik tərkibli çətənə kolu aşkar edilib və həmin bitkilər kökündən çıxarılaraq məhv edilib.
Şahnəzər Bəşirov
APA TV
Apa.tv
OXŞAR XƏBƏRLƏR
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
