Ağdamda V beynəlxalq Həmzə Nigari simpoziumu keçirilir
Ağdamda Beşinci beynəlxalq Həmzə Nigari simpoziumuna start verilib.
APA- TV-nin Qarabağ bürosunun xəbərinə görə, simpozium Ağdamın Quzanlı qəsəbəsində yerləşən Muğam mərkəzində keçirilir.
Beşinci beynəlxalq Həmzə Nigari simpoziumu, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı, “Miras” Mədəni İrsin Öyrənilməsinə Kömək İctimai Birliyi, Azərbaycan Dövlət Mədəniyyət və İncəsənət Universiteti və Türkiyə Cümhuriyyəti Amasiya Universitetinin təşkilatçılığı ilə təşkil olunub. 3 gün davam edəcək beynəlxalq simpoziumun keçirilməsində əsas məqsəd Həmzə Nigarinin fikir dünyası və həyatı ilə yanaşı, Türk və İslam dünyası araşdırmalarını dəyərləndirməkdir.
Simpoziumda milli rəqslər, ifalar, bədii qiraət nümunələri təqdim olunacaq.
Eyni zamanda Azərbaycan, Türkiyə, İtaliya, İran, Rusiya, Qazaxıstan, Özbəkistan, Şimali Makedoniya və s. ölkələrdən 200-dən çox alim və tədqiqatçının məruzələri dinləniləcək.
Apa.tv
OXŞAR XƏBƏRLƏR
Lənkəranda ilk dəfə dronla çəltik toxumu səpildi
Laçında yeni yol xətlənmə və nişanlanma işləri başa çatdırılır
Naxçıvanda əqrəb ferması fəaliyyət göstərir
Azərbaycandan tranzit keçməklə Rusiyadan Ermənistana 18 vaqon yük yola salındı
Lənkəranda baramaçılıqda bu il yüksək məhsuldarlıq gözlənilir
