Ağcabədidə 22 baş iribuynuzlu heyvan və 2 baş at yanıb
Ağcabədidə məskunlaşan laçınlı ailənin fermer təsərrüfatında yanğın olub.
APA TV-nin Qarabağ bürosunun xəbərinə görə, Ağcabədi rayonunun Şənlik kəndi ərazisində məskunlaşan Sadıqovlar ailəsinin təsərrüfatında çıxan yanğın nəticəsində 22 baş iribuynuzlu heyvan və 2 baş at yanaraq tələf olub. “Gecə saat 1 radələrində qardaşım yuxudan oyanıb, görüb pəncərəyə işıq düşür. Çıxdıq, gördük yanır. Alov o qədər güclü idi ki, qarşısını ala bilmədik. Qonşular sağ olsun, FHN-in əməkdaşları sağ olsun, qoymadılar alov digər tikililərə keçsin”.
Hadisə yerinə FHN-nin Ağcabədi və Laçın rayon Dövlət Yanğından Mühafizə hissələrinin bölmələri cəlb olunub. Yanğın yanğınsöndürənlər tərəfindən söndürülüb. “1993-cü ildən burada gəlib məskunlaşmışıq. Bax, bu primitiv tikililəri tikib yaşamışıq. Çox çətinliklə bu mərtəbəyə gətirib çıxarmışdıq. Dolanışığımız üçün heyvan damazlığı artırmışdıq, o da bir gecənin içində yanıb kül oldu”.
Faktla bağlı araşdırma aparılır.
Apa.tv
OXŞAR XƏBƏRLƏR
Gürcüstana qaz təchizatı baş tutacaq
Bu şəxslər min manatdan min beş yüz manatadək məbləğdə cərimə ediləcək
Azərbaycandan tranzit keçməklə Ermənistana propan və gübrə göndərilib
Ordubadda yerləşən bu kəndin adının mənası “yox-yox” deməkdir
Ceyhun Bayramovdan Sülh sazişinin imzalanması ilə bağlı mühüm açıqlama
