94 yaşlı kişi diri-diri yandı - MASALLIDA FACİƏ
Masallıda yaşayış evi yanıb. APA TV-nin cənub bürosunun məlumatına görə, bədbəxt hadisə rayonun Musaküçə kəndində qeydə alınıb. Hadisə yerinə FHN-nin Masallı Rayon Yanğından Mühafizə Hissəsinin 2 yanğınsöndürmə maşını və canlı qüvvəsi cəlb olunub. Yanğın kəşfiyyatı zamanı oradan ev sahibi Xeyrulla Babayevin yanmış meyiti aşkarlanıb. Mərhumun oğlunun dediklərinə görə, atası 65 ilə yaxın müəllim işləyib və həyat yoldaşının vəfatından sonra evdə tək yaşayırmış. 1925-ci il təvəllüdlü Xeyrulla Babayev mətbəx otağında qaz sobasını yandırıb və ev alışmağa başlayıb. Yanğın şiddətləndiyi vaxt o, evdə köməksiz vəziyyətdə qalıb: “Gəldim gördüm ev kül olub. Özü də içəridə kül olub. Yanğın qazdan olub. 94 yaşı vardı, tək yaşamaq istəyirdi”. 9 övlad atası olan Xeyrulla Babayevin meyiti daxili və xarici müayinə olunmaqdan ötrü Məhkəmə Tibbi Ekspertiza və Patoloji Anatomiya Birliyinin Masallı filialına təhvil verilib. Hazırda faktla bağlı araşdırma aparılır.
Apa.tv
OXŞAR XƏBƏRLƏR
Hikmət Hacıyev ölkəmizə qarşı aparılan media kampaniyalarından danışdı
Azərbaycan və Slovakiya prezidentləri Ağdamın Baş Qərvənd kəndində olub
Elektron siqaret, sığorta, qumar: Milli Məclisdən yeni qanun layihələri
Şuşada IV Qlobal Media Forumu öz işinə başladı
Prezidentdən 907-ci düzəlişlə bağlı mühüm mesaj: "Ləğv edilməlidir..."
