74 yaşlı kişi diri-diri yandı
Gəncədə yanğın hadisəsi baş verib.
APA TV-nin yerli bürosunun verdiyi xəbərə görə, hadisə şəhərin Nizami rayonunda Şərəfxanlı küçəsində qeydə alınıb. Şəhər sakini 74 yaşlı Tofiq Hüseynova məxsus ümumi sahəsi 400 m² olan birmərtəbəli, altı otaqlı ev yanıb. Yanğın zamanı evin 4 otağının yanar konstruksiyaları və dam örtüyü 100 m² sahədə yanıb, ev sahibi, 74 yaşlı Tofiq Hüseynov evdə yanaraq ölüb. Hadisə yerinə FHN-nin yanğınsöndürən avtomobiləri və canlı qüvvəsi cəlb olunub. Yanğın yerinin kəşfiyyatı zamanı ev sahibi, 1948-ci il təvəllüdlü Hüseynov Tofiq Müseyib oğlunun meyiti yanğınsöndürənlər tərəfindən aşkar edilərək aidiyyəti üzrə təhvil verilib.
Məlumata görə ev sahibi yataq xəstəsi olub. Evin qalan hissəsi yanğından mühafizə olunub.
Hadisə ilə bağlı təhqiqat aparılır.
Fuad Nazimoğlu
Mehdi Məmmədov
APA TV, Gəncə
Apa.tv
OXŞAR XƏBƏRLƏR
15 iyun - Milli Qurtuluş Günü: Azərbaycanın taleyini dəyişən ZƏFƏR TARİXİ
15 İyun: Xalqın Ümid, Dövlətin Xilas Günü
Azadlığından sonra Ağdam və Füzulidə ilk dəfə son zəng çalınıb
Bakıda 45 nömrəli məktəb məzunlarını yola saldı - Sonuncu zəng çalındı
Elm və Təhsil Naziri Gəncədə “Son Zəng” tədbirində iştirak edib
