7 il əvvəl “ölmüşdü”, indi məhkəməyə çıxarılır
2016-cı ildə məhkəmə tərəfindən ölmüş elan edilən şəxs yenidən hakim qarşısına çıxarılacaq.
“Qafqazinfo” məlumat yayıb ki, İŞİD terror təşkilatının silahlı münaqişələrində iştirak edən azərbaycanlı Şahin Salayev barəsində ittiham aktı Bakı Ağır Cinayətlər Məhkəməsinə göndərilib. Cinayət Məcəlləsinin 283-1.3-cü maddəsi (dini məzhəbləri yaymaq zəminində Azərbaycandan kənarda silahlı münaqişələrdə iştirak etmə) ilə ittiham olunan Salayevin işi hakim Fərid Namazovun icraatında araşdırılacaq.
Qeyd edək ki, Şahin Salayev bu il Dövlət Təhlükəsizliyi Xidməti tərəfindən xarici dövlət ərazisində tutularaq Azərbaycana gətirilib. Onun Suriya-İraq ərazisində 10 illik döyüş təcrübəsi olub.
Araşdırmalar zamanı məlum olub ki, Salayev 2016-cı ildə Suraxanı Rayon Məhkəməsinin qətnaməsi ilə xaricdəki silahlı münaqişələr zamanı ölmüş elan edilib.
Apa.tv
OXŞAR XƏBƏRLƏR
Süni intellekt məhkəmə sisteminə daxil olur – Nə dəyişəcək?
Şuşada Azərbaycan, Türkiyə və Gürcüstan müdafiə nazirlərinin üçtərəfli görüşü keçirilib
İnam Kərimov hakimlərlə bağlı danışdı: "100 min nəfərə 7 hakim..."
“Ailəsi ilə əlaqə saxladı, 15 dəqiqə sonra şəhid oldu” - Qanlı döyüşlərdən zəfərə
ADEX 2026-nın ikinci günündən maraqlı görüntülər
