29 yaşlı qadın fermada özünü öldürdü
Göyçay rayonunda intihar hadisəsi baş verib.
APA TV-nin yerli bürosunun xəbərinə görə, hadisə Göyçayın Qaraməryəm kəndi ərazisində yerləşən mal-qaranın qışlaq yatağında qeydə alınıb.
İsmayıllı rayonunun Kürd Eldarbəyli kənd sakini 1992-ci il təvəllüdlü Məmmədov Sahil Rasim oğlu ailə üzvləri ilə birgə özünə məxsus qoyun sürüsünü Göyçay ərazisindəki qışlaq yatağına apararaq oradakı fermada məskunlaşıb. Onun həyat yoldaşı, 1993-cü il təvəllüdlü Məmmədova Minəvvər Şamil qızı yaşadıqları fermada özünü kəndirlə asaraq intihar edib. Üç uşaq anası Minəvvər Məmmədovanın intiharının səbəbi hələ ki, bilinmir. Meyit müayinə üçün Respublika Tibbi Ekspertiza və Patoloji Anatomiya Birliyinin İsmayıllı rayon şöbəsinə aparılıb. Onun əvvəlcə böyrək çatışmazlığı səbəbindən öldüyü deyilsə də, araşdırma zamanı qadının intihar etdiyi məlum olub.
Minəvvər Məmmədova Naxçıvan Muxtar Respublikasının Şərur rayonundan İsmayıllıya gəlin gəlib.
Faktla bağlı Göyçay rayon Prokurorluğu tərəfindən araşdırma aparılır.
Apa.tv
OXŞAR XƏBƏRLƏR
Azərbaycan və Laos arasında birgə bəyanat qəbul edildi
Laos Prezidentinin rəsmi qarşılanma mərasimi oldu
İlham Əliyevin Kambocanın Baş naziri ilə geniş tərkibdə görüşü oldu
Azərbaycan və Kamboca arasında sənədlərin mübadiləsi mərasimi olub
Prezident İlham Əliyev Kambocanın Baş nazir Hun Maneti qarşıladı
