Ukraynada terrorçuların tərkibində döyüşən rusiyalı jurnalistlər yaxalandı -GÖRÜNTÜ
Ukrayna hərbçiləri Kramatorsk şəhərində xüsusi əməliyyat keçirib. Əməliyyatda hədəf şəhər aeroportuna silahlı hücum etməyi planlaşdıran silahlıları zərərsizləşdirmək olub. Bu barədə ölkənin Müdafiə Nazirliyinin mətbuat xidməti məlumat yayıb. Bildirilir ki, hərbi əməliyyat zamanı silahlıların döyüş planı tamamilə məhv edilib, onların arasında olan və nəzərdə tutulmuş terror aktını "on-line" rejimdə işıqlandırmaq istəyən Rusiya vətəndaşları olan jurnalistlər isə saxlanılaraq Ukrayna hüquq-mühafizə orqanlarına təhvil veriliblər. Hazırda onların ifadələri alınır. Əməliyyat keçirilən ərazidə separatçıların silahları da hərbçilər tərəfindən ələ keçirilib. Silah-sursatın arasında hətta xarici istehsal olan zenit-raket kompleksi də aşkarlanıb. Belə qurğuya heç Ukrayna ordusunda rast gəlinmədiyi deyilir. Bu arada hadisəni Rusiya tərəfi də təsdiqləyib və Moskva saxlanılan jurnalistlərin dərhal azad olunmasını tələb edir.
Apa.tv
OXŞAR XƏBƏRLƏR
Prezident İlham Əliyev ATƏT Parlament Assambleyasının prezidentini qəbul edib
Azərbaycandan Ermənistana növbəti yük yola salındı
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
