“BMW” ilə “MG”-nin toqquşması nəticəsində 2 nəfər ölüb, 4 nəfər yaralanıb
Bakının Sabunçu rayonunda ağır yol-nəqliyyat hadisəsi baş verib. APA TV-nin məlumatına görə, hadisə Maştağa-Zabrat yolunda, Məmmədyarov dairəsi yaxınlığında qeydə alınıb. “MG” və “BMW” markalı iki minik toqquşub. Nəticədə avtomobillərdə olan 2 nəfər hadisə yerindəcə dünyasını dəyişib. Daha 4 nəfər isə ağır bədən xəsarətləri ilə 3 saylı şəhər xəstəxanasına yerləşdirilib. Yaralılardan biri avtomobildə sıxılmış vəziyyətdə qaldığından əraziyə Fövqəladə Hallar Nazirliyinin Xüsusi Riskli Xilasetmə Xidmətinin əməkdaşları gəliblər. Onlar sıxılmış vəziyyətdə yaralını qalmış avtomobil hissələrinin arasından çıxarıblar.
Suraxanı Rayon Polis İdarəsindən verilən məlumata görə, qəzaya avtomobillərdən birinin həddindən artıq sürətlə hərəkət etməsi və digərinin yoluna çıxması səbəb olub.
OXŞAR XƏBƏRLƏR
Prezident İlham Əliyev ATƏT Parlament Assambleyasının prezidentini qəbul edib
Azərbaycandan Ermənistana növbəti yük yola salındı
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
