Azərbaycana gələn yük maşınları Rusiya-Gürcüstan sərhədində qalıb
Şimali Osetiyadan Gürcüstandan keçməklə Azərbaycana gələn iritonnajlı maşınlar sərhəddə qalıb. Rusiya-Gürcüstan sərhədində yerləşən Yuxarı Lars nəzarət buraxılış məntəqəsi mayın 17-i səhər saatlarında Gürcüstan tərəfdən gələn güclü buzla qarışıq sel nəticəsində bağlanıb. Nəticədə Hərbi-Gürcüstan yolu və Terek çayının yatağı tutulub.
APA TV-nin xəbərinə görə, bu məlumatı Rusiya Fövqəladə Hallar Nazirliyinin Şimali Osetiya üzrə idarəsinin mətbuat katibliyi yayıb. Daşqınlar səbəbindən Rusiya ilə Gürcüstan sərhəd keçid məntəqəsinin daha 2 həftə bağlı qala biləcəyi deyilir.
Bundan başqa, Rusiya tərəfdən Gürcüstana keçmək istəyən 70-ə yaxın yüklə dolu ağırtonnajlı maşınların tıxacı yaranıb. Bu nəqliyyat vasitələri əsasən Azərbaycan və Ermənistana yük daşıyır. Vladiqafqaz administrasiyası nəqliyyat vasitələrinin sürücülərini gecələmək üçün sığınacaqlarla və isti yeməklərlə təmin etdiklərini bildiriblər.
Apa.tv
OXŞAR XƏBƏRLƏR
Prezident İlham Əliyev ATƏT Parlament Assambleyasının prezidentini qəbul edib
Azərbaycandan Ermənistana növbəti yük yola salındı
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
