Abdulla Gül Somaya gedib
Türkiyə prezidenti Abdulla Gül Manisa vilayətinə gedib. O, Soma rayonunda baş verən mədən qəzasının yaralılarının yerləşdiyi Akhisar Dövlət Xəstəxanasına baş çəkib. Xəstəxanaya TBMM başçısı Cəmil Çiçəklə gələn Abdulla Gül xəstələrlə bir-bir görüşüb. Vətəndaşlar qarşısında çıxış edən Türkiyə prezidenti qəzada ölənlər üçün rəhmət diləyib. Mədəndə baş vermiş partlayış nəticəsində ölənlərin sayı 282 nəfərə çatıb. Bunu Türkiyənin energetika və təbii sərvətlər naziri Taner Yıldız bildirib. Onun son açıqlamalarına görə, "yanğın artıq nəzarət altına alınıb. Xilasetmə qrupu 120 mədənçinin olduğu ehtimal edilən əraziyə yaxınlaşıb". İlkin ehtimala görə, hadisəyə qısaqapanma səbəb olub, bu da yanğına və partlayışa gətirib çıxarıb. Partlayış yerində xilasetmə işləri davam etdirilir. Müxtəlif şəxslərdən və qurumlardan zərərçəkənlərə dəstək kompaniyaları keçirilir. Galatasaray futbol klubu zərərçəkənlərin ailələrinə vermək üçün maddi yardım toplayıblar.
Elvin Bayramlı
OXŞAR XƏBƏRLƏR
Prezident İlham Əliyev ATƏT Parlament Assambleyasının prezidentini qəbul edib
Azərbaycandan Ermənistana növbəti yük yola salındı
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
