Azərbaycanın valyuta ehtiyatı 50 milyard dolları ötdü
Milli Məclisin İqtisadi siyasət komitəsinin növbəti iclası keçirilib. APA TV-nin məlumatına görə, iclasda 2013-cü il dövlət büdcəsinin icrasına dair hesabatla çıxış edən maliyyə nazirinin müavini Azər Bayramov bildirib ki, il ərzində ölkənin valyuta ehtiyatları 9 faiz artaraq 50 milyard ABŞ dollarını ötüb. Bu da dövlətin xarici borcundan təqribən 9 dəfə çoxdur. 2013-cü ilin yekunlarına görə ölkə əhalisinin gəlirləri əvvəlki illə müqayisədə 8 faiz artaraq 37,6 milyard manata çatıb. İqtisadiyyat və sənaye nazirinin müavini Sevinc Həsənova isə bildirib ki, Azərbaycanda 2014-cü ildə və sonrakı üç ildə sosial-iqtisadi inkişaf proqnozlarının uğurla reallaşdırılması üçün kifayət qədər əsaslar qoyulub. Büdcənin icrası ilə bağlı danışan millət vəkili Vahid Əhmədov isə iradlarını bildirib. Müzakirlər zamanı digər millət vəkilləri 2013-cü il dövlət büdcəsinin icrasına dair hesabatı müsbət qiymətlədiriblər. İclasın davamında 6 qanun layihəsi müzakirəyə çıxarılıb. Müzakirələrin sonunda qanun layihələri Milli Məclisin plenar iclasına tövsiyyə olunub.
OXŞAR XƏBƏRLƏR
Prezident İlham Əliyev ATƏT Parlament Assambleyasının prezidentini qəbul edib
Azərbaycandan Ermənistana növbəti yük yola salındı
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
