Ağır yol qəzası: 1 ölü, 5 yaralı
Şabran rayonu ərazisində ölümlə nəticələnən yol nəqliyyat hadisəsi baş verib. Qəza, Bakı-Quba-Rusiya Federasiyası yolunun 134-cü km-də, Şabranın Gəndob kəndi ərazisindən keçən hissəsində qeydə alınıb. 22 yaşlı Bakı şəhər sakini Nəriman Hüseynovun idarə etdiyi “ Mersedes” markalı avtomaşın Bakı istiqamətində hərəkətdə olarkən əks istiqamətdə hərəkətdə olan 30 yaşlı Bakı şəhər sakini Taib Hacımuradovun idarə etdiyi “Nissan” markalı avtomaşınla toqquşub. Qəza nəticəsində “Mersedes”in sürücüsü hadisə yerində ölüb. “Mersedes”də olan sərnişin 23 yaşlı Şabran rayonu Gəndob kənd sakini Səməd Cəfərov, “Nissan”nın sürücüsü və sərnişinləri Quba rayonu İsnovqışlaq kənd sakinləri 30 yaşlı Cəmil Həsənov, 33 yaşlı Emil Həsənov, 50 yaşlı Zülfiyyə Həsənova müxtəlif bədən xəsarətləri ilə Şabran Mərkəzi Xəstəxanasına yerləşdirilib. Onların vəziyyətinin orta ağır olduğu bildirilir.
Faktla bağlı Baş Dövlət Yol Polis İdarəsinin istintaq və təhqiqat bölməsində, cinayət məcəlləsinin 263.2-ci maddəsi ilə cinayət işi açılıb, araşdırmalar davam etdirilir.
Vəli Turan
OXŞAR XƏBƏRLƏR
Prezident İlham Əliyev ATƏT Parlament Assambleyasının prezidentini qəbul edib
Azərbaycandan Ermənistana növbəti yük yola salındı
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
