Lənkəranda faşizm üzərində qələbənin ildönümü qeyd olunub
Mayın 9-da alman faşizmi üzərində tarixi qələbənin 69-cu ildönümü Lənkəran şəhərində təntənə ilə qeyd olunub. Lənkəran Şəhər İcra Hakimiyyəti Aparatının rəsmiləri, müharibə veteranları, arxa cəbhə iştirakçıları, hüquq-mühafizə orqanlarının rəhbərləri əvvəlcə şəhərin mərkəzində ucaldılmış Naməlum Əsgərin abidəsi önünə əklil və gül dəstələri qoyublar.
Bayram sevincini veteranlarla bölüşən icra başçısı Taleh Qaraşov onlara göstərilən yüksək dövlət qayğısından söz açıb, bütün lənkəranlı müharibə veteranlarına ən xoş arzularını çatdırıb.
Daha sonra iki dəfə Sovet İttifaqı Qəhrəmanı, tank qoşunları general-mayoru Həzi Aslanovun abidəsi önündə ümumrayon tədbiri keçirilib. Nəcəf bəy Vəzirov adına Lənkəran Dövlət Dram Teatrının aktyorlarının ifasında nümayiş etdirilən ədəbi-bədii kompozisiya iştirakçılarda xoş hisslər oyadıb. Tədbirdə həmçinin məktəblilər qəhrəmanlıq, ana, Vətən mövzusunda şeirlər söyləyiblər.
OXŞAR XƏBƏRLƏR
Prezident İlham Əliyev ATƏT Parlament Assambleyasının prezidentini qəbul edib
Azərbaycandan Ermənistana növbəti yük yola salındı
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
