Nazir: "Həmsədrlərinin budəfəki səfəri faktaraşdırıcı missiya xarakteri daşıyacaq"
"ATƏT-in Minsk Qrupu həmsədrlərinin regiona budəfəki səfəri faktaraşdırıcı missiya xarakteri daşıyacaq".
APA TV-nin xəbərinə görə, bu barədə açıqlama verən xarici işlər naziri Elmar Məmmədyarov səfərin mayın ortalarında Ermənistana, Dağlıq Qarabağa və daha sonra Azərbaycana reallaşdırılacağını bildirib: "Onlar əsasən, Qarabağdakı vəziyyətlə tanış olmaq istəyirlər. Çünki biz Xarici İşlər Nazirliyi səviyyəsində onlara və ATƏT-in baş katibinə məktub ünvanlamışdıq. Suriyada baş verən hadisələrə görə orada yaşayan erməni vətəndaşlar işğal olunmuş torpaqlarda məskunlaşdırılırlar. Bu xoşagəlməz məlumat idi və mən xahiş etdim ki həmsədrlə faktaraşdırıcı məsələyə də toxunsunlar və Qarabağa səfər etsinlər".
Nazir Elmar Məmmədyarov Bakıda səfərdə olan Hondurasın xarici işlər naziri, xanım Mireya Aguero Dekoraleslə birgə mətbuat konfransı keçirib. Nazir Dağlıq Qarabağ məsələsində Azərbaycan tərəfinə öz dəstəyini ifadə edərək bəyan edib ki, bu, Honduras üçün prinsip məsələsidir və beynəlxalq birlik bu işğala reaksiya verməlidir. Honduraslı nazir Azərbaycanın ərazi bütövlüyü və suverenliyini dəstəklədiklərini ifadə edib.
Xatırladaq ki, Hondurasda Dağlıq Qarabağ münaqişəsi ilə bağlı hökumət səviyyəsində qətnamə qəbul edilib.
OXŞAR XƏBƏRLƏR
Prezident İlham Əliyev ATƏT Parlament Assambleyasının prezidentini qəbul edib
Azərbaycandan Ermənistana növbəti yük yola salındı
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
