Əkinçilər çiyələyə üstünlük verir
Son illər Masallıda çiyələk əkininə üstünlük verilir. Səbəb isə çiyələkçiliyin daha gəlirli sahə olması və məhsulun satışında əlavə hər hansı problemin olmaması göstərillir.
APA TV-nin cənub bürosunun məlumatına görə, Masallıda bu il 25 hektar sahədə çiyələk əkilib ki, bu da ötən ilin müvafiq dövrü ilə müqaysədə 7 hektar çoxdur. Əkin sahələrində vaxtında aparılan aqrotexniki qulluğun nəticəsi olaraq məhsuldarlığın yüksək olacağını deyən fermerlər bu il məhsul yığımının gecikdiyini bildirirlər. Aprel ayının əvvəllərində yağan qar çiyələk sahələrinə də öz mənfi təsirini göstərib.
Rayonda yerli iqlim şəraitinə uyğun olaraq əsasən “Viktoriya” və “Qamaroza” kimi çiyələk sortları əkilir. Məhsulun satış bazarı isə paytaxt Bakı ilə yanaşı, respublikanın iri şəhər və rayonlarıdır. Fermerlər nübar yığım zamanı 1 kq məhsulun satış qiymətinin 2-3 manat arası dəyişdiyini deyirlər. Masallı əkinçilərinin qənaətincə, çiyələyin 15-20 gün gecikən yığımına mayın ilk ongünlüyündə başlanacaq və oktyabr ayına kimi tədarük davam etdiriləcək.
OXŞAR XƏBƏRLƏR
Prezident İlham Əliyev ATƏT Parlament Assambleyasının prezidentini qəbul edib
Azərbaycandan Ermənistana növbəti yük yola salındı
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
