Dünya səyahətinə çıxan ingiltərəli velosipedçi Azərbaycandan məmnun qalıb
Altı ay öncə velosipedlə dünya səyahətinə çıxmış ingiltərəli Vilyam Klifford 5 gündür, Azərbaycandadır. O, bu gün İrana yola düşüb. Vilyam dünya səyahətinə Avstriyadan başlayıb. Sloveniya, Macarıstan, Albaniya, Bosniya, Türkiyə və Gürcüstandan sonra Azərbaycana gələn ingiltərəli velosipedçinin dünya səyahətinə çıxmaqda məqsədi ayrı-ayrı xalqların mədəniyyəti, adət-ənənələri ilə yerindəcə tanış olmaqdır.
APA TV-nin xəbərinə görə, Vilyam Klifford azərbaycanlıların qonaqpərvərliyindən məmnun qaldığını bildirib: ”Ölkənizin ərazisinə daxil olanda maşınlar mənə siqnal verir, insanlar "Salam" deyirdilər. Mənə çörək yeməyi, istirahət etməyi təklif edənlər də az deyildi”.
İngiltərəli səyahətçinin sözlərinə görə, velosipedi ilə saatda 15-25 kilometr məsafə qət edir. Vilyam Klifford İrandan Türkmənistana keçməklə səyahətini Hindistanda tamamlamağı planlaşdırıb.
OXŞAR XƏBƏRLƏR
Prezident İlham Əliyev ATƏT Parlament Assambleyasının prezidentini qəbul edib
Azərbaycandan Ermənistana növbəti yük yola salındı
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
