Barselonanın sabiq məşqçisi Tita Vilanova öldü
"Barselona” futbol klubunun keçmiş baş məşqçisi Tito Vilanova vəfat edib. Ağır vəziyyətdə hospitala çatdırılan 45 yaşlı Vilanova xəstəxanada dünyasını dəyişib. O, mədəsindəki xəstəlikdən əziyyət çəkib. Məşqçinin cərrahiyyə əməliyyatı ediləcəyi gözlənilirdi. Xəstəxanaya aparılan zaman mütəxəssisin huşu özündə olub, o, hospitalda dostlarını və yaxınlarını qəbul edib. Məşqçi son illər həm də qulaqyanı vəzlərin xərçəngi xəstəliyi ilə mübarizə aparıb. O, 2011-ci ilin noyabrında cərrahiyyə əməliyyatına məruz qalıb və kimyaterapiya qəbul edib. 2012-ci ilin dekabrında isə xəstəliyin şiddətlənməsi səbəbindən yenidən xəstəxanaya düşüb. Tito Vilanova 2012-2013-cü il mövsümündə “Barselona”nın baş məşqçisi olub. 2013-cü ildə isə xəstəliyi səbəbindən postunu tərk edib. Buna qədər isə Xosep Qvardiolanın köməkçisi işləyib.
Apa.tv
OXŞAR XƏBƏRLƏR
Prezident İlham Əliyev ATƏT Parlament Assambleyasının prezidentini qəbul edib
Azərbaycandan Ermənistana növbəti yük yola salındı
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
