"Dağıstan əmirliy"nin azərbaycanlı rəhbərinin arvadı öldürüldü
Dağıstanda xüsusi əməliyyat zamanı "Auxov bandası" adlı qanunsuz silahlı dəstənin 4 üzvü öldürülüb. APA TV-nin xəbərinə görə, əməliyyat Xasavyurt şəhərinin Sloboda qəsəbəsində həyata keçirilib. Fərdi evi mühasirəyə alan xüsusi təyinatlılar silahlıları təslim olmağa çağırıb. Yaraqlılar iki uşağı gizləndiyi evdən kənarlaşdırdıqdan sonra təslim olmayacaqlarını bəyan ediblər.
Bundan sonra tərəflər arasında atışma baş verib. Əməliyyat zamanı xüsusi təyinatlılara sərt müqavimət göstərən 2 kişi və 2 qadın öldürülüb. Məlumata görə, öldürülən qadınlardan biri terror aktları törətməkdə şübhəli bilinərək federal axtarışda olub və əməliyyat zamanı özünü partlatmağa çalışıb.
Öldürülən qadınlardan birinin kimliyi bəlli olub. Ruzanna İbrahimova adlı bu qadın ötən ay xüsusi əməliyyat zamanı öldürülmüş Dağıstanın şimal sektorunun "əmiri" azərbaycanlı Tural Atayevin həyat yoldaşıdır.
OXŞAR XƏBƏRLƏR
Prezident İlham Əliyev ATƏT Parlament Assambleyasının prezidentini qəbul edib
Azərbaycandan Ermənistana növbəti yük yola salındı
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
