Yanukoviçə qarşı yeni ittihamlar irəli sürüldü
Ukrayna baş prokurorluğu eks-prezident Viktor Yanukoviçin terror təşkilatı yaratması barədə ittiham irəli sürüb. Onunla bərabər keçmiş daxili işlər naziri və Ukrayna Təhlükəsizlik Xidmətinin keçmiş rəhbərinə qarşı bu maddə ilə cinayət işi açılıb. "Məlum olub ki, hər 3 şəxs əlbir olaraq, fəaliyyəti 2014-cü il fevralın 2-də Kiyevin İnstitutsk küçəsində insanların kütləvi şəkildə öldürülməsinə yönəlmiş terror təşkilatı yaradıblar. Onlar Ukrayna Təhlükəsizlik Xidmətinin və Ukrayna Daxili İşlər Nazirliyi Daxili Qoşunların hərbçilərini bu təşkilata cəlb ediblər",- deyə prokurorluğun məlumatında deyilir. Viktor Yanukoviç barəsində bir neçə maddə ilə cinayət işi başlanıb.
Bu arada Cenevrə razılaşması və pasxa bayramı səbəbi ilə Ukraynada antiterror əməliyyatları bir qədər qeyri-aktiv fazaya keçib. Ukrayna Təhlükəsizlik Xidmətinin rəhbərinin mətbuat katibi Marina Ostapenkonun sözlərinə görə, antiterror əməliyyatları davam edəcək, lakin onun nə qədər davam etməsi terroristlərin Ukrayna torpaqlarında qalmasından asılıdır.
Apa.tv
OXŞAR XƏBƏRLƏR
Prezident İlham Əliyev ATƏT Parlament Assambleyasının prezidentini qəbul edib
Azərbaycandan Ermənistana növbəti yük yola salındı
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
