Çilidə 2 min ev yandı
Çilidə yanğın nəticəsində 2 000 ev külə dönüb. Valparasio şəhərindəki güclü yanğın zamanı 12 nəfər həlak olub, minlərlə insan təxliyyə edilib.
Böyüklüyünə görə Çilidə ikinci şəhər olan Valparasioda yanğın liman-şəhərin yaxınlığındakı dağların yamaclarında başlayıb. Euronews xəbər verir ki, güclü külək alovların sürətlə yayılmasına səbəb olub.
Çili prezidenti Mişel Baçelet şəhərdə fövqəladə vəziyyət elan edib. La Segunda-nın məlumatına görə, DİN başçısı Rodriqo Penyalilyo yanğının söndürülməsinə hərbçilərin də cəlb olunduğunu söyləyib.
Ekspertlərin fikrincə, Valparasio şəhərinin tarixində ən güclü yanğın yaşanır. 2013-cü ilin aprelində Valparasioda 30 ev yanmışdı.
Çilinin hakimiyyət dairələri yanğında zərər çəkmiş valparasioluların hər birinə 100-250 dollar məbləğində kompensasiya ödəyir.
Apa.tv
OXŞAR XƏBƏRLƏR
Niderlanda yeni səfir təyin edildi
Prezident İlham Əliyev Corciya Melonini təbrik edib
Prezident İlham Əliyev ATƏT Parlament Assambleyasının prezidentini qəbul edib
Azərbaycandan Ermənistana növbəti yük yola salındı
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
