Gənc sürücünün "VAZ 2107"-də sıxılmış meyiti maşından çıxarılıb
Hacıqabul rayonunda ölümlə nəticələnən yol-nəqliyyat hadisəsi baş verib. APA TV-nin Fövqəladə Hallar Nazirliyinin (FHN) saytına istinadən verdiyi xəbərə görə, Bakı-Qazax yolunun 84-cü kilometrliyində Hacıqabul rayonunun Atbulaq kəndi ərazisində "VAZ 2107" markalı minik avtomobili idarəetməni itirərək yol kənarındakı dəmir sədlərə çırpılıb. Dərhal hadisə yerinə Fövqəladə Hallar Nazirliyinin müvafiq xilasetmə qüvvələri cəlb olunub. Yanğınsöndürən-xilasedicilər sürücü, Şəki rayonunun Köndələn kənd sakini 1990-cı il təvəllüdlü Həsənov Araz Əli oğlunun sıxılmış vəziyyətdə qalmış meyitini təhlükəsizlik qaydalarına riayət etməklə xüsusi alət və avadanlıqlar vasitəsilə avtomobildən çıxarıb və aidiyyəti üzrə təhvil veriblər. Faktla bağlı BDYPİ-də araşdırma aparılır.
Əlibəy Zeynallı
OXŞAR XƏBƏRLƏR
Niderlanda yeni səfir təyin edildi
Prezident İlham Əliyev Corciya Melonini təbrik edib
Prezident İlham Əliyev ATƏT Parlament Assambleyasının prezidentini qəbul edib
Azərbaycandan Ermənistana növbəti yük yola salındı
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
