Türkiyədə “Youtube”ə girişin qadağan olunması qərarı qüvvədə qaldı
Türkiyədə məhkəmə “YouTube”a girişin bağlanması barədə qərarı qüvvədə saxlayıb.
APA TV- nin “Haberturk”ə istinadən verdiyi məlumata görə, Ankaranın Gölbaşı Ağır Cinayətlər Məhkəməsi bu qərarını cinayətə səbəb olan materialların “YouTube”dən qaldırılmaması ilə əsaslandırıb.
Qeyd edək ki, məhkəmə aprelin 4-də “YouTube”a girişin qadağan olunması barədə qərarı ləğv etmişdi. Qərar dövlət telekommunikasiya qurumu tərəfindən icra olunduqdan sonra vətəndaşlar yenidən sərbəst şəkildə “YouTube”a daxil ola biləcəkdilər. Lakin aprelin 5-də gecə saatlarında qərar dəyişdirilib.
Xatırladaq ki, Türkiyə Konstitusiya Məhkəməsi aprelin 3-də vətəndaşların fərdi müraciətləri əsasında “Twitter”ə girişin qadağan olunması barədə qərarı ləğv edib. Məhkəmə “YouTube”la bağlı qərarı isə qüvvədə saxlayıb.
OXŞAR XƏBƏRLƏR
Niderlanda yeni səfir təyin edildi
Prezident İlham Əliyev Corciya Melonini təbrik edib
Prezident İlham Əliyev ATƏT Parlament Assambleyasının prezidentini qəbul edib
Azərbaycandan Ermənistana növbəti yük yola salındı
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
