Rusiya Ukraynaya satdığı qazın qiymətini qaldırdı
Rusiya Ukrayna üçün təbii qazın qiymətini artırıb. Bu haqda “Qazprom”un İdarə Heyətinin sədri Aleksey Miller məlumat verib. O qeyd edib ki, ikinci rübdən etibarən Ukraynaya 1000 kubmetr qazın qiyməti 268,5 dollardan 385,5 dollaradək yüksəlib.
Onun sözlərinə görə, "Dekabr endirimi"nin aradan qalxmasına səbəb Ukrayna tərəfindən idxal olunan qazın 2013-cü il üçün ödənişlərini gecikdirməsidir. Miller vurğulayıb ki, hazırda rəsmi Kiyevin borcu 1 milyard 711 milyon dollar təşkil edir. "Qazprom” rəhbəri həmçinin bildirib ki, ikinci rübdən Rusiya qazının Ukrayna ərazisi ilə tranzit haqqı da artacaq. Artım 10 faiz təşkil edəcək.
APA TV-nin xəbərinə görə, bundan başqa, ABŞ konqresində Ukraynaya maddi yardım etmək barədə səsvermə keçiriləcək. Konqresmenlər irəli sürülən təklifi müsbət qiymətləndirsələr, ABŞ rəsmi Kiyevə bir milyard dollar həcmində yardım edəcək.
OXŞAR XƏBƏRLƏR
Niderlanda yeni səfir təyin edildi
Prezident İlham Əliyev Corciya Melonini təbrik edib
Prezident İlham Əliyev ATƏT Parlament Assambleyasının prezidentini qəbul edib
Azərbaycandan Ermənistana növbəti yük yola salındı
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
