Güclü külək Qarabağ bölgəsində fəsadlar yaradıb
Bu il Qarabağ bölgəsində bağçılıqda problemlərin olacağı ehtimalı yaranıb. Buna səbəb bölgəyə yağan qar və güclü küləkdir. APA TV-nin yerli bürosundan verilən məlumata görə, Ağdam, Ağcabədi, Bərdə, Tərtər və Beyləqan rayonlarına normadan artıq qar yağıb. Bu da kənd təsərrüfatına ciddi ziyan vurub. Xüsusilə yazın ilkin mərhələsində çiçəkləyən meyvə təsərrüfatının taleyi sual altına düşüb.
Bununla yanaşı bölgənin bir çox yaşayış məntəqələrinə elektrik enerjisinin verilməsi dayandırılıb. Güclü külək elektrik dirəklərini aşırıb, naqilləri qırıb, ağacları kökündən çıxarıb. Kəndlərin bəzilərində evlərin dam örtüyünü atıb. Goranboyun dağlıq ərazilərində yerləşən yaşayış məntəqələri isə 10 sm qar altındadır. Yerli Fövqəladə Hallar Komissiyaları dəyən ziyanın miqdarını araşdırır. Hazırda kəskin hava şəraiti davam edir.
OXŞAR XƏBƏRLƏR
Niderlanda yeni səfir təyin edildi
Prezident İlham Əliyev Corciya Melonini təbrik edib
Prezident İlham Əliyev ATƏT Parlament Assambleyasının prezidentini qəbul edib
Azərbaycandan Ermənistana növbəti yük yola salındı
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
