Zaqatalata güclü külək məktəbin dam örtüyünü uçurdu
Güclü külək Zaqatalada bir sıra fəsadlar törədib. APA TV-nin məlumatına görə, rayon ərazisində müxtəlif yerlərdə 15-ə qədər irigövdəli ağac aşıb, bəzi yerlərdə evlərin dam örtükləri uçub və elektrik təsərrüfatına ciddi ziyan dəyib. Rayon ərazisində elektrik enerjisinin verilməsində fasilələr yaranıb.
İrigövdəli ağacların aşması nəticəsində rayon mərkəzində bəzi küçələrdə avtomobillərin hərəkəti dayanıb. Güclü külək Zaqatala rayon 5 saylı ümumorta məktəbinin və məcburi köçkünlərin məskunlaşdığı üçmərtəbəli binanın dam örtüyünü tamamilə uçurub. Fəsadların aradan qaldırılması üçün texnika cəlb olunub.
Görülən tədbirlər nəticəsində gecə saatlarında rayonun bəzi yerlərində işığın verilməsi qismən bərpa edilib.
Yollar ağaclardan təmizlənərək maşınların hərəkəti təmin olunub.
Vüqar Heydərov
OXŞAR XƏBƏRLƏR
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
Rusiyadan Ermənistana Azərbaycan üzərindən növbəti yük göndərilib
Niderlanda yeni səfir təyin edildi
Prezident İlham Əliyev Corciya Melonini təbrik edib
