Kürdəmirdə 3 yaşlı uşaq fermanı yandırdı
Kürdəmirdə yanğın hadisəsi baş verib. Kürdəmir rayon Dövlət Yanğından Mühafizə Hissəsindən APA TV-yə verilən məlumata görə, hadisə Çöhranlı kəndində qeydə alınıb.
Kənd sakini olan fermer 1956-cı il təvəllüdlü Əlvan Qəniyevə məxsus mal-qara fermasında baş verən yanğının söndürülməsi üçün əraziyə 2 yanğınsöndürən maşın və canlı qüvvə cəlb edilib.
Ümumi sahəsi 210 kvadratmetr olan fermanın dam örtüyünün yanar konstruksiyaları, eyni zamanda 185 kvadratmetr sahə yanıb.
Hadisə zamanı fermanın çardağına yığılmış 5 ton ot bağlamasının 3 tonu da yanıb.
Yanğın zamanı fermadan mal-qara xilas edilib, xəsarət alan olmayıb.
Hadisəyə fermada işləyən çobanın 3 yaşlı uşağının nəzarətsiz buraxılması və onun odla ehtiyatsız davranması səbəb olub.
Faktla bağlı araşdırma aparılır.
Elvin Yaqubov
OXŞAR XƏBƏRLƏR
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
Rusiyadan Ermənistana Azərbaycan üzərindən növbəti yük göndərilib
Niderlanda yeni səfir təyin edildi
Prezident İlham Əliyev Corciya Melonini təbrik edib
