Astarada mal-qara oğrusu ələ keçdi
Astara Rayon Polis Şöbəsinin (RPŞ) həyata keçirdiyi əməliyyat-axtarış tədbirləri nəticəsində rayonun Şüvi kəndi ərazisindəki örüş sahəsindən 1 baş iribuynuzlu mal-qaranı oğurlayan şəxs yaxalanıb. Rayon Polis Şöbəsinin müstəntiqi Bəhruz Qulamovun APA TV-nin cənub bürosuna verdiyi məlumata görə, rayonun Şüvi kənd sakini, 1981-ci il təvəllüdlü Fərman Nəriman oğlu Abdullayev polis şöbəsinə ərizə ilə müraciət edərək, kənd ərazisindəki örüş yerindən ona məxsus 1 baş iribuynuzl heyvanının oğurlandığını bildirib. Həyata keçirilən əməliyyat-axtarış tədbirləri sayəsində həmin oğurluq faktının rayonun Pəlikeş kənd sakini, 1969-cu il təvəllüdlü Malik Məmmədağa oğlu Nabatov tərəfindən törədildiyi müəyyənləşdirilib: "Şübhəli şəxs qismində saxlansa da, məhkəmə barəsində həbs-qətimkan tədbiri seçməyib. Lakin polisin nəzarətində olacaq".
Faktla bağlı Astara RPŞ-də cinayət işi açılıb, araşdırma aparılır.
OXŞAR XƏBƏRLƏR
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
Rusiyadan Ermənistana Azərbaycan üzərindən növbəti yük göndərilib
Niderlanda yeni səfir təyin edildi
Prezident İlham Əliyev Corciya Melonini təbrik edib
