“Hyundai” çuxura düşdü: 2 yaralı
Şəkidə baş verən yol qəzasında iki nəfər xəsarət alıb. APA TV-nin məlumatına görə, qəza Şəkiyə giriş yolunun 6-cı kilometrliyində, rayonun Çeşməli kəndi ərazisində qeydə alınıb. 1977-ci il təvəllüdlü Ağaməmmədzadə Rövşən Fuad oğlunun idarə etdiyi “Hyundai” markalı avtomobillə çıxış istiqamətində hərəkətdə olarkən qəfildən idarəetməni itirərək yol kənarındakı çuxura düşüb. Qəza nəticədə sürücü Rövşən Ağaməmmədzadə və onun sərnişini, 1976-cı il təvəllüdlü İsmayılov Samir Hüseyn oğlu aldıqları müxtəlif dərəcəli bədən xəsarətləri ilə Şəki Mərkəzi Rayon Xəstəxanasına(MRX) aparılıblar. Xəstəxanadan APA TV-yə verilən məlumata görə, qəza nəticəsində xəsarət alan Rövşən Ağaməmmədovun xəsarətləri yüngül olduğundan ambulator müalicə almaq şərtilə evə buraxılıb. Samir İsmayılov isə xəstəxananın cərrahiyyə şöbəsinə yerləşdirilib. Hazırda Samir İsmayılovun vəziyətinin orta-ağır olduğu bildirilir. Faktla bağlı Şəki Rayon Polis Şöbəsində araşdırma aparılır.
Vüqar Heydərov
OXŞAR XƏBƏRLƏR
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
Rusiyadan Ermənistana Azərbaycan üzərindən növbəti yük göndərilib
Niderlanda yeni səfir təyin edildi
Prezident İlham Əliyev Corciya Melonini təbrik edib
