"SAHİL" TİCARƏT MƏRKƏZİNDƏ GÜCLÜ YANĞIN
Bakının mərkəzində, Üzeyir Hacıbəyov küçəsi ilə Bülbül prospektinin kəsişməsində yerləşən “Sahil” ticarət mərkəzi yanır. Yanğının söndürülməsinə Nərimanov rayon Yanğından Mühafizə Hissəsinin bir briqadası da hadisə yerinə cəlb edilib. Yanğının baş verdiyi binadan sakinlərin, ticarət mərkəzinin işçilərinin və Braziliyanın Azərbaycandakı səfirliyinin əməkdaşlarının təxliyəsi artıq başa çatdırılıb. İki nəfərə özünü pis hiss etdiyi üçün tibbi yardım göstərilib. Təhlükəsizlik tədbirləri ilə əlaqədar binanın altında, metronun “Sahil” stansiyasının giriş-çıxışı müvəqqəti bağlanıb.
APA TV-nin xəbərinə görə, yanğın səhər saatlarında binanın 2-ci mərtəbəsindəki yaşayış evindən başlayıb, sonradan digər mənzillərə və 3-cü mərtəbəyə yayılıb. İlkin olaraq, hadisə yerinə Səbail və Nəsimi rayonunun yanğınsöndürmə briqadaları cəlb edilib.
Elvin Bayramlı
OXŞAR XƏBƏRLƏR
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
Rusiyadan Ermənistana Azərbaycan üzərindən növbəti yük göndərilib
Niderlanda yeni səfir təyin edildi
Prezident İlham Əliyev Corciya Melonini təbrik edib
