Yeni standartlar hazırlanır
Azərbaycanda sənaye sahəsini tənzimləyən standartların və digər normativ hüquqi sənədlərin layihələrinin hazırlanmasını həyata keçirilən yeni Texniki Komitənin təqdimatı keçirilib. APA TV-nin xəbərinə görə, Sumqayıt Texnologiyalar Parkında (STP) keçirilən təqdimat mərasimində çıxış edən Standartlaşma Metrologiya və Patent üzrə Dövlət Komitəsinin sədri Ramiz Həsənov bildirib ki, "Sənaye məhsullarının standarlaşdırılması" üzrə Texniki Komitənin yaradılmasında məqsəd beynəlxalq təcrübəyə əsaslanaraq, sahə üzrə standartlaşdırmanın illik və perspektiv planlarını tərtib etməkdir: "Bu komitə alt komitələrdən ibarətdir. Əsas məqsəd beynəlxalq standartları, Avropa standartlarını ölkəmizdə tətbiq etməkdir".
Bildirilib ki, Texniki Komitə bu il Avropa standartları əsasında elektrik kabelləri, kabellərin cərəyan keçirən damarları, gəmilərin elektrik avadanlıqları üçün idarəetmə və güc kabelləri, su təchizatı, drenaj və təzyiq altında olan çirkab suları üçün polimer boru kəmərləri sistemi, qazların daşınması üçün polimer boru kəmərləri sistemi və s. ilə bağlı 20 milli standart layihəsinin hazırlanması planlaşdırır.
OXŞAR XƏBƏRLƏR
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
Rusiyadan Ermənistana Azərbaycan üzərindən növbəti yük göndərilib
Niderlanda yeni səfir təyin edildi
Prezident İlham Əliyev Corciya Melonini təbrik edib
