"Qatar bələdçiləri arasında QİÇS xəstəliyi yayılması xəbəri əsassızdır" - RƏSMİ MÖVQE
Azərbaycanda qatar bələdçiləri arasında QİÇS xəstəliyinin yayılması barədə səslənən fikirlər əsassızdır. Bu barədə APA TV-yə "Azərbaycan Dəmir Yolları" Qapalı Səhmdar Cəmiyyətinin (QSC) mətbuat xidmətinin rəisi Nadir Azməmmədov bildirib. Onun sözlərinə görə, belə bir hala rast gəlinməyib: “İşçilərimiz mütəmadi olaraq müayinəyə cəlb olunurlar. Sadəcə kişi bələdçilərdən bir neçəsi tibbi müayinəyə gəlməyib, onlar da buna görə tənbeh olunub”.
Dövlət Dəmir Yolu Xəstəxanasının həkim-ekspert komissiyasının sədri Faiq İsmayılov da deyilənləri təsdiq edib. Həkim bildirib ki, dəmiryolçular hər 6 aydan bir məcburi müayinədən keçirlər.
Qeyd edək ki, sosial şəbəkələrdə Bakı-Moskva reysi ilə hərəkət edən qatarın 30-a qədər bələdçisinin QİÇS-ə yoluxduğu barədə xəbərlər yayılıb.
Elvin Bayramlı
OXŞAR XƏBƏRLƏR
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
Rusiyadan Ermənistana Azərbaycan üzərindən növbəti yük göndərilib
Niderlanda yeni səfir təyin edildi
Prezident İlham Əliyev Corciya Melonini təbrik edib
