Mətbuat Şurasında şəhid jurnalistlər yad edildi - ANIM
Azərbaycan Mətbuat Şurasında şəhid jurnalistlərin anım mərasimi keçirilib. Tədbirdə çıxış edən “Ahıl Jurnalistlər” Birliyinin sədri Yusif Kərimov deyib ki, düşmən gülləsinə tuş gələn ilk jurnalistimiz BDU-nun jurnalistika fakültəsinin müəllimi Əliş Nəbiyev olub. Əliş Nəbiyev 20 Yanvar hadisələrində şəhid olub və ilk şəhid jurnalistimiz kimi tarixə düşüb.
APA TV-nin xəbərinə görə, hərbi jurnalist Rey Kərimoğlu təklif edib ki, MŞ-nin nəzdində Müharibə Veteranları Komitəsi yaradılsın. O bildirib ki, bu, hərbi jurnalistlər tərəfindən araşdırmalar aparılması, reportaj və məqalələrin yazılması baxımından olduqca əhəmiyyətlidir.
Sonra tədbir iştirakçıları digər şəhid jurnalistlər – Salatın Əsgərova, Osman Mirzəyev, Alı Mustafayev və Çingiz Mustafayev barədə çıxış edərək onların fəaliyyətini, qəhrəmanlığını, vətəninə və peşəsinə verdiyi töhfələri yüksək qiymətləndiriblər.
OXŞAR XƏBƏRLƏR
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
Rusiyadan Ermənistana Azərbaycan üzərindən növbəti yük göndərilib
Niderlanda yeni səfir təyin edildi
Prezident İlham Əliyev Corciya Melonini təbrik edib
