Ukraynada SPİKER İSTEFA VERDİ
Ukraynanın hakim dairələrində istefalar davam edir. Son məlumata görə, Ali Radanın birinci vitse-spikeri İqor Kaletnik postunu tərk etmək üçün ərizə yazıb. Bunu Ukrayna Ali Radasının növbədənkənar iclasında vitse-spiker Ruslan Koşulinski də təsdiqləyib. APA TV-nin xəbərinə görə, bundan əvvəl isə Ali Radanın spikeri Vladimir Rıbak istefa ərizəsi yazmışdı. O, yazdığı ərizədə sağlamlığının yerində olmamasını səbəb göstərib. Məlumatda qeyd olunur ki, deputatlar spikerin bu addımını səsverməyə qoyub, münasibət bildirəcəklər.
Bu arada ölkə prezidentinin Ali Radadakı daimi nümayəndəsi hakim Regionlar Partiyasından deputat seçilən Yuri Miroşniçenko Yanukoviçin harada olduğunu bilmədiyini deyib. O, bu barədə RBK Ukrayna saytına bildirib: "Məndə prezident Yanukoviçin harda olması barədə heç bir məlumat yoxdur. Müəyyən şayiələr gəzir, əsəblər gərgindir, söz verirəm ki, hər hansı bir informasiya əldə etsəm, mətbuata açıqlama verəcəyəm".
Apa.tv
OXŞAR XƏBƏRLƏR
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
Rusiyadan Ermənistana Azərbaycan üzərindən növbəti yük göndərilib
Niderlanda yeni səfir təyin edildi
Prezident İlham Əliyev Corciya Melonini təbrik edib
