Qobustanda xeyli silah-sursat partladıldı
Qobustan rayonu ərazisindən tapılan silah-sursat yerində partladılıb. Silah-sursat Bakı-Şamaxı-Yevlax yolunun 80-ci kilometrliyində, magistral yoldan 40 metr aralıda, Qobustan rayonunun Şıxzərli kəndi ərazisindən tapılıb. Çoban ərazidə partlayıcı maddələrin olması barədə FHN-nin qaynar telefon xəttinə məlumat verib. Əraziyə baxış keçirən ANAMA-nın əməkdaşları oradan bir ədəd F-1 əl qumbarası, 10 ədəd F-1 əl qumbarası başlığı, 2 ədəd tank əleyhinə əl qumbarası aşkar edərək götürüblər.
APA TV-nin xəbərinə görə, bu silah-sursat torpağın üstündən taplıb. Torpaqda yaranan yarğanın içərisində isə daha çox partlayıcının olduğu müəyyən edilib və həmin silah-sursatın oradan çıxarılması təhlükəli olduğu üçün yerində partladılması qərara alınıb. Tapılan partlayıcı maddələrin magistral avtomobil yoluna yaxın olduğu nəzərə alınaraq ərazidə polis əməkdaşları tərəfindən təhlükəsizlik tədbirləri görülüb. Ötən axşam silah-sursat partladılarkən ərazidə postlar qurulub, yolda avtomobillərin hərəkəti yarım saatlıq dayandırılıb.
Faktla bağlı araşdırma aparılır.
Elvin Yaqubov
OXŞAR XƏBƏRLƏR
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
Rusiyadan Ermənistana Azərbaycan üzərindən növbəti yük göndərilib
Niderlanda yeni səfir təyin edildi
Prezident İlham Əliyev Corciya Melonini təbrik edib
