Qubada iki qardaşın EVİ UÇDU
Qubada yaşayış evində uçqun baş verib. APA TV-nin xəbərinə görə, hadisə Yusif Qasımov küçəsi 16 ünvanında qeydə alınıb. Quba sakinləri Habil və Aydın Heydərovlara məxsus iki mənzili birləşdirən divar uçub. Nəticədə hər iki yaşayış evinə ziyan dəyib. Hadisə zamanı xəsarət alan olmayıb. Zərərçəkənlərin sözlərinə görə, gecə hadisənin səsinə oyanıblar və zərzələ baş verdiyini zənn ediblər.
Mənzil sahibləri iddia edir ki, uçquna səbəb Qubada su-kanalizasiya sisteminin yenilənməsi zamanı qazıntı işlərinin aparılması olub. Nəticədə divarda çatlar əmələ gəlib.
Qeyd edək ki, hadisə yerinə Quba rayon Fövqaladə Hallar Komissiyasının nümayəndələri baxış keçirib. Komissiyanın sədri Yusif Abidov bildirib ki, tezliklə hadisənin səbəbləri müəyyənləşdiriləcək və zərərçəkənlərə köməklik göstəriləcək.
Vəli Turan
OXŞAR XƏBƏRLƏR
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
Rusiyadan Ermənistana Azərbaycan üzərindən növbəti yük göndərilib
Niderlanda yeni səfir təyin edildi
Prezident İlham Əliyev Corciya Melonini təbrik edib
