Lənkəranda RUHİ XƏSTƏ İNTİHAR EDİB
Lənkəranda intihar hadisəsi baş verib. APA TV-nin cənub bürosunun məlumatına görə, hadisə fevralın 14-də rayonun Gərmətük qəsəbəsində qeydə alınıb. Qəsəbə sakini, 1967-ci il təvəllüdlü Göyçək Səfər qızı Əliyeva özünü yaşadığı evin həyətindəki su quyusuna atıb. Hadisə barədə ilk xəbər tutan onun qardaşının həyat yoldaşı olub. O, dərhal hadisə barədə qonum-qonşulara xəbər verib. Onların köməkliyi ilə mərhumun cəsədi quyudan çıxarılıb. Yaxınlarının bildirdiyinə görə, Göyçək Əliyeva ruhi xəstə olub. Əvvəllər uzun müddət çay fabrikində çalışıb. Dəfələrlə özünü öldürəcəyi barədə yaxınlarına xəbərdarlıq edib. Evdə qardaşı və onun həyat yoldaşı ilə birgə yaşayıb. O, 6 metr dərinliyi olan quyuya başı üstə düşüb. İntihar edərkən isə evdə tək olub.
Faktla bağlı Lənkəran Rayon Prokurorluğunda araşdırma aparılır.
OXŞAR XƏBƏRLƏR
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
Rusiyadan Ermənistana Azərbaycan üzərindən növbəti yük göndərilib
Niderlanda yeni səfir təyin edildi
Prezident İlham Əliyev Corciya Melonini təbrik edib
