Sərhəddə 368 min manatlıq qaçaqmal saxlanılıb
Ötən ay Dövlət Sərhədi axtarışda olan 187 nəfəri aşkar edib. Xidmət tərəfindən 2014-cü ilin yanvar ayı dövlət sərhədini pozduqları üçün 28 halda 30 nəfər saxlanılıb, onların 14 nəfəri Azərbaycan, 9 nəfəri Özbəkistan, 2 nəfəri İran, 2 nəfəri Rusiya, 1 nəfəri Gürcüstan, 1 nəfəri Türkiyə, 1 nəfəri Qana vətəndaşı olub. Sərhəd rejim qaydalarını pozarkən yaşıl sərhəddə 4 halda 9 nəfər, Xəzər dənizində 18 halda 24 nəfər saxlanılaraq barələrində müvafiq tədbir görülüb. Narkotik vasitələrin qeyri-qanuni dövriyyəsinə qarşı mübarizə tədbirləri nəticəsində 16 halda 6 kiloqram 943 qram narkotik maddənin dövlət sərhədindən keçirilməsinin qarşısı alınıb.
APA TV-nin xəbərinə görə, Dövlət Sərhəd Xidməti ötən ay silahlı qaçaqmalçı qrupun ölkə ərazisinə keçməsinin qarşısını alıb. Yanvarın 5-də Göytəpə Sərhəd Dəstəsinin xidməti ərazisində 4 nəfərdən ibarət silahlı qaçaqmalçı qrup İrandan Azərbaycana keçməyə cəhd göstərib. Silahlı basqın dəf olunub, sərhəd pozucuları geri qaçmağa məcbur edilib. Hadisə yerinə baxış zamanı ərazidə 4 kiloqram tiryək və 1 kiloqram heroin aşkarlanıb.
Qaçaqmalçılıq fəaliyyətinə qarşı mübarizə çərçivəsində həyata keçirilən tədbirlər nəticəsində 54 halda ümumi dəyəri təqribən 368 min manat olan qaçaqmal saxlanılıb.
OXŞAR XƏBƏRLƏR
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
Rusiyadan Ermənistana Azərbaycan üzərindən növbəti yük göndərilib
Niderlanda yeni səfir təyin edildi
Prezident İlham Əliyev Corciya Melonini təbrik edib
