Moskvada DƏLƏDUZ ERMƏNİ "POLKOVNİK" TUTULUB
Moskva polisi dələduzluq edən Ermənistan vətəndaşını saxlayıb. Hüquq mühafizə orqanlarının yaydığı məlumata görə, o özünü insanlara polkovnik kimi təqdim edərək qurbanlarına müəyyən endirimlərlə mənzil, minik və yük avtomobilləri təklif edib. Bundan başqa o dövlət idarələrindəki müəyyən vəzifələrə və müxtəlif şirkətlərdə təhlükəsizlik xidmətinə işə düzəltmə ilə bağlı xidmətlərini də irəli sürüb.
APA TV-nin xəbərinə görə, 48 yaşlı Ermənistan vətəndaşı pulları aldıqdan sonra qaçıb. Polisin bildirdiyinə görə, 2012-ci ilin noyabrından 2013-cü ilin fevralına kimi saxta polkovnik yük maşınlarını qanunsuz satmaq işindən 4 milyon rubl qazanıb. Həmin şəxsin paytaxt ərazisində azı 15 belə fırıldaqçılıq hərəkəti etdiyi güman edilir. Axtarış zamanı onun qanunazidd əməllərini sübut edən sənədlər, o cümlədən dövlət qurumlarına məxsus möhür və ştamplar götürülüb. Dələduzluq maddəsi ilə cinayət işi başlanıb.
OXŞAR XƏBƏRLƏR
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
Rusiyadan Ermənistana Azərbaycan üzərindən növbəti yük göndərilib
Niderlanda yeni səfir təyin edildi
Prezident İlham Əliyev Corciya Melonini təbrik edib
