Pyatiqorskda törədilən partlayışın TƏŞKİLATÇISI ÖLDÜRÜLDÜ
Dağıstanın Xasavyurt rayonunda hüquq-mühafizə orqanlarının keçirdiyi xüsusi əməliyyat yekunlaşıb. Rusiya Milli Antiterror komitəsinin yaydığı xəbərə görə, silahlılarla baş verən atışma zamanı 4 yaraqlı öldürülüb. Əməliyyat nəticəsində hadisə yerindən iki silahlı qaçmağa nail olub. Öldürülən yaraqlılardan biri Pyatiqorskda törədilən terrorun təşkilatçısı olub.
Əməliyyat yanvarın 15-də səhər saatlarında keçirilib. Polislər şübhəli şəxsləri təqib odiblər və onları Karlanyurt kəndindəki fərdi evdə mühasirəyə alıblar. Silahlılarla polis arasında toqquşmada hüquq-mühafizə orqanlarının 3 əməkdaşı ölüb, beşi xəsarət alıb.
Artıq öldürülən iki yaraqlının şəxsiyyəti müəyyənləşib. Bunlar Karlanyurt kəndinin sakinləri 28 yaşlı Rüstəm Daqirov və Xasavyurt cinayətkar qruplaşmasının başçısı Marat İdrisovdur.
APA TV-nin xəbərinə görə, ötən ilin dekabrın 27-də Pyatiqorsk şəhərinin Çerkassk prospektində yerləşən Dövlət Yol Patrul Xidmətinin binası yaxınlığında güclü partlayış baş verib. Nəticədə 3 nəfər ölüb. Terror hadisəsi əldəqayırma partlayıcı vasitə ilə həyata keçirilib. Cinayətkarların daha irimiqyaslı terror hadisəsi törətmək niyyətində olduqları, lakin bunu həyata keçirə bilmədikləri müəyyən olunub.
OXŞAR XƏBƏRLƏR
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
Rusiyadan Ermənistana Azərbaycan üzərindən növbəti yük göndərilib
Niderlanda yeni səfir təyin edildi
Prezident İlham Əliyev Corciya Melonini təbrik edib
