Hava dəyişikliyi Gəncədə 9 NƏFƏRİN ÖLÜMÜNƏ SƏBƏB OLDU
Gəncədə hava şəraitinin dəyişməsi dekabrın 13 və 14-də Gəncədə 9 nəfərin ölümünə səbəb olub. Gəncə şəhər Təcili və Təxirəsalınmaz Tibbi Yardım Stansiyasının şöbə müdiri Ziyafət Məmmədovanın APATV-nin qərb bürosuna verdiyi məlumata görə, ötən gün stansiyaya 297 çağırış daxil olub ki, bu da adi günlərdəkindən təxminən 100 çağırış çoxdur. Məlumata görə, hava şəraitinin dəyişməsi səhhətində problem olanlara pis təsir edib və 9 nəfər ölüb. Stansiyadan bildiriblər ki, ölənlər əsasən ürək damar, şəkərli diabet və insult xəstəliklərindən əziyyət çəkənlər olub.
Məlumata görə, Gəncədə yuxarı tənəffüs yollarının xəstəlikləri ilə bağlı şikayətlərin sayı da artıb. Təcili və Təxirəsalınmaz Tibbi Yardım Stansiyasından bildiriblər ki, daxil olan 297 çağırışın əksəriyyəti qrip virusundan əziyyət çəkənlərə yardım edilməsinin payına düşüb.
OXŞAR XƏBƏRLƏR
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
Rusiyadan Ermənistana Azərbaycan üzərindən növbəti yük göndərilib
Niderlanda yeni səfir təyin edildi
Prezident İlham Əliyev Corciya Melonini təbrik edib
