Naməlum avtomobil MƏKTƏB DİREKTORUNU VURUB ÖLDÜRDÜ
Bakı-Qazax magistralında piyadanı maşın vurub. APA TV-nin məlumatına görə, hadisə magistral yolun Goranboy rayonunun Azad kəndi ərazisindən keçən hissəsində baş verib. Magistral yolu keçmək istəyən, Goranboy rayonun Azad kənd sakini, kənd orta məktəbin direktoru, 60 yaşlı Salman Abbasovu naməlum avtomobil vuraraq hadisə yerindən qaçıb. S. Abbasov ağır vəziyyətdə Gəncə şəhər Təcili Tibbi Yardım xəstəxanasına yerləşdirilib.
Məktəb direktoru aldığı xəsarətdən xəstəxanada keçinib. Hadisə Azad kəndi sakinlərinin etirazları müşayiət olunub. Onlar magistral yolun Azad kəndindən keçən hissəsində nə piyada keçidinin, nə də avtomobillərin dönə bilməsi üçün yerin olmadığından şikayətlənirlər.
Piyadanın vurulması ilə bağlı Dövlət Yol Polisi İdarəsində araşdırma aparılır. Hadisə yerindən qaçan sürücünün tapılması istiqamətində əməliyyat tədbirləri həyata keçirilir.
Azər Məmmədli
OXŞAR XƏBƏRLƏR
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
Rusiyadan Ermənistana Azərbaycan üzərindən növbəti yük göndərilib
Niderlanda yeni səfir təyin edildi
Prezident İlham Əliyev Corciya Melonini təbrik edib
