“ZİL” qəzaya səbəb oldu, “VAZ-2107” və “Mersedes” toqquşdu
Lənkəranda iki nəfərin xəsarət alması ilə nəticələnən yol-nəqliyyat hadisəsi baş verib. Qəza Lənkəran-Boradigah şose yolunun Separadi kəndindən keçən hissəsində qeydə alınıb. Zövlə kənd sakini Böyükağa Məmmədovun idarə etdiyi “VAZ-2107” markalı minik avtomobil qarşı tərəfdən gələn həmkəndlisi İldırım Həsənovun idarə etdiyi “Mersedes-Benz” markalı avtomobilin yoluna çıxaraq toqquşub. Güclü zərbə nəticəsində hər iki avtomobil ciddi zədələnib. “VAZ-2107”nin sürücüsü yüngül xəsarət alıb. “Mersedes”in sürücüsü bədən xəsarətləri ilə Lənkəran Mərkəzi Rayon Xəstəxanasının travmatologiya şöbəsinə yerləşdirilib.
Şahidlərin sözlərinə görə, “VAZ-2107” markalı avtomobilin qarşısına qəfildən “ZİL” markalı yük maşının çıxdığından sürücü maşını təhlükəsiz yola döndərmək istəyib, nəticədə qarşıdakı “Mersedes”lə toqquşub.
APA TV-nin xəbərinə görə, faktla bağlı Lənkəran Rayon Polis Şöbəsində araşdırma aparılır.
OXŞAR XƏBƏRLƏR
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
Rusiyadan Ermənistana Azərbaycan üzərindən növbəti yük göndərilib
Niderlanda yeni səfir təyin edildi
Prezident İlham Əliyev Corciya Melonini təbrik edib
