Ariel Şaronun dəfn ediləcəyi tarix açıqlanıb
İsrail KİV-ləri sabiq baş nazir Ariel Şaronun dəfn ediləcəyi tarixi açıqlayıblar. APA TV-nin məlumatına görə, qəzetlər dəfn mərasiminin bazar ertəsi - yanvarın 13-də keçiriləcəyini yazırlar. Lakin bu məlumat hələ rəsmi şəkildə təsdiqlənməyib.
“Jerusalem Post” qəzetinin yazdığına görə, Ariel Şaronla vida mərasimi bu gün yerli vaxtla saat 12-dən 18-ədək keçiriləcək. Mərhumun nəşi İsrail Knessetinin binasında olacaq. Yanvarın 13-ü saat 14.30-da isə Ariel Şaronu Neqev səhrasındakı “Şikmim” ailə fermasında həyat yoldaşının yanında torpağa tapşıracaqlar.
İsrailin keçmiş naziri ötən gün 86 yaşında dünyasını dəyişib. O, 2006-cı ildə insult keçirib, 8 il ərzində isə komada olub. Yanvarın əvvəllərində Ariel Şaronun vəziyyətinin kəskin pisləşdiyi barədə məlumatlar yayıldı.
Apa.tv
OXŞAR XƏBƏRLƏR
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
Rusiyadan Ermənistana Azərbaycan üzərindən növbəti yük göndərilib
Niderlanda yeni səfir təyin edildi
Prezident İlham Əliyev Corciya Melonini təbrik edib
