Azərbaycanda 62 MİN NƏFƏR ƏLİL UŞAQ VAR
Azərbaycanda yaşı 18-dək olan şəxslərin sayı 2 milyon 539 min 7 nəfər, onlardan 3 yaşadək olanların sayı isə 662 min 4 nəfərdir. Səhiyyə Nazirliyindən APA-ya verilən xəbərə görə, yaşı 18-dək olan şəxslərin 62 min nəfərində əlillik müəyyən olunub ki, onlardan da 8,7 min nəfəri 2012-ci ildə ilk dəfə əlillik almış 3 yaşa qədər uşaqdır. Respublikada qeydiyyatda olan 17 yaşınadək kar və zəif eşidən şəxslərin sayı 3 878, kor və zəif görənlərin sayı 14 871, əqli cəhətdən zəif inkişaf etmiş uşaqların sayı 6 462, serebral iflic qalığı olan uşaqların sayı 3 740, psixoloji inkişaf pozuntusu olan uşaqların sayı 2 417, anadangəlmə anomaliyaları (inkişaf qüsurları, deformasiyalar və xromosom pozuntuları) olan uşaqların sayı 7 082, nitq qüsuru olan uşaqların sayı 7 492 nəfər təşkil edib.
APA TV-nin xəbərinə görə, qeyd olunub ki, hazırda uşaq əlilliyinin profilaktikası üçün Azərbaycanda bir sıra tədbirlər həyata keçirilir. Əlil uşaqlarla bağlı hazırlanan konsepsiya iki hissədən ibarətdir və 2020-ci ilə qədər dövrü əhatə edir. Birinci hissədə Bakı şəhərinin bir sıra tibb müəssisələrində, ikinci hissədə isə bütün tibb ocaqlarında erkən aşkarlanan və erkən müdaxilə fəaliyyətlərinin həyata keçirilməsi nəzərdə tutulur.
Almaz Qasımova
OXŞAR XƏBƏRLƏR
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
Rusiyadan Ermənistana Azərbaycan üzərindən növbəti yük göndərilib
Niderlanda yeni səfir təyin edildi
Prezident İlham Əliyev Corciya Melonini təbrik edib
